ဒီနေ့မှာတော့ ပြိုင်ဆိုင်မှုပြင်းထန်ခဲ့တဲ့ပရီးမီးယားလိဂ်ပွဲစဉ် ၁၁အတွက် ပြောစရာဖြစ်ခဲ့တဲ့ ကစားသမားတွေအကြောင်းအကျဉ်းချုပ် မျှဝေပေးသွားမှာဖြစ်ပါတယ်။ အချက်၁၀ချက်ပါဝင်မှာဖြစ်ပြီး ဘယ်အချက်တွေကို သတိထားမိကြလဲဆိုတာပြောပြပေးသွားလို့ရပါတယ်။
၁။ Manchester City နဲ့ Nico O’Reilly
Phil Foden နဲ့ Jude Bellingham တို့ England အသင်းကိုပြန်အခေါ်ခံရတဲ့ သတင်းတွေကြားမှာ Nico O’Reilly ကိုပါ Thomas Tuchel ရဲ့အသင်းထဲ ထည့်သွင်းလိုက်တဲ့အကြောင်း သိပ်မကြားရပါဘူး။ အသက် ၂၀ အရွယ် ဒီကစားသမားဟာ Mohamed Salah ကို ဒီပတ်မှာ လှုပ်မရအောင်ထိန်းချုပ်နိုင်ခဲ့တဲ့အတွက် ခံစစ်ကစားတာတော်တော်လေးကောင်းတယ်ဆိုပြီး နာမည်ရလာပါတယ်။ Pep Guardiola ကိုယ်တိုင်တောင် City ရဲ့ ခံစစ်ကြောင်းအတွက် ယုံကြည်အပ်နှင်းထားတယ်ဆိုရင် England အသင်းမှာလဲ သေချာပေါက်နေရာကောင်းတစ်ခု ရယူနိုင်မယ်လို့ မျှော်လင့်ရပါတယ်။
၂။ Aston Villa နဲ့ Harvey Elliott
Aston Villa က ဒီအပတ်မှာ ၄-၀ နဲ့ အနိုင်ရခဲ့ပေမယ့် Harvey Elliott အတွက်တော့ ခက်ခဲတဲ့ နေ့တစ်ခုဖြစ်ခဲ့ပါတယ်။ မနှစ်က Liverpool အသင်းမှာလဲမကစားရတာကြောင့် လူစာရင်းကနေ ချန်လှပ်ခံထားရပါတယ်။ ဒီနှစ်မှာလဲ Villa အသင်းရဲ့ အခြားကစားသမားတွေဟာ ပုံစံကောင်းပြနေတာကြောင့် သူ့အနေနဲ့ ပွဲကစားချိန်ရဖို့ ခက်ခဲနေတယ်လို့ သိရပါတယ်။
၃။ Crystal Palace နဲ့ Jaydee Canvot
Crystal Palace က Marc Guéhi ကို မရောင်းချဖြစ်တဲ့ အကြောင်းရင်းက ၁၉ နှစ်အရွယ် Jaydee Canvot မှာ လုံလောက်တဲ့အတွေ့အကြုံမရှိသေးလို့ပါပဲ။ ဒါပေမယ့် Brighton နဲပွဲမှာတော့ သူဟာ အတော်လေးခြေစွမ်းပြကစားပြသွားပါတယ်။ မန်နေဂျာ Oliver Glasner က သူ့မှာ ခံစစ်မှူးတစ်ယောက်အတွက် လိုအပ်တဲ့ ရုပ်ပိုင်းဆိုင်ရာ အရည်အသွေးတွေ ရှိတယ်လို့ ချီးကျူးပြောဆိုခဲ့ပါသေးတယ်။
၄။ Brentford နဲ့ Igor Thiago
Brentford အသင်းရဲ့ ဂိုးသွင်းနိုင်စွမ်းဟာ အံ့ဩစရာကောင်းလောက်အောင် ကောင်းနေဆဲပါပဲ။ Ivan Toney, Yoane Wissa နဲ့ Bryan Mbeumo တို့ ထွက်ခွာသွားခဲ့ကြပေမယ့် Igor Thiago က ဆက်လက်ဂိုးတွေသွင်းပေးနေပါတယ်။ Newcastle United ကိုအနိုင်ရခဲ့တဲ့ပွဲမှာ ဂိုးနှစ်ဂိုးသွင်းခဲ့ပြီး လိဂ်ရဲ့ ဒုတိယမြောက် အများဆုံးဂိုးသွင်းသူဖြစ်လာပါတယ်။
၅။ Nottingham Forest နဲ့ Igor Jesus
Igor Jesus ဟာ ကစားအားကောင်းတဲ့ ကစားသမားဖြစ်ပေမယ့် ပရီးမီးယားလိဂ်မှာ တိုက်စစ်မှူးအဖြစ် ကစားဖို့အတွက်တော့ မေးခွန်းထုက်စရာဖြစ်နေပါတယ်။ သူဟာ လိဂ်ပွဲတွေမှာ ဂိုးမသွင်းနိုင်သေးဘဲ Cupပွဲတွေမှာသာ ဂိုးသွင်းနိုင်ခဲ့ပါတယ်။ Chris Wood နဲ့ Taiwo Awoniyi တို့ကို ယှဉ်ပြိုင်နိုင်ဖို့ဆိုရင် သူ့ကစားဟန်ကို ပြောင်းလဲဖို့လိုအပ်နေပါပြီ။
၆။ Manchester United နဲ့ Benjamin Sesko
Manchester United က နွေရာသီမှာ ငွေကြေးအမြောက်အမြားသုံးပြီး ရှေ့တန်းကစားသမားသုံးဦး ဝယ်ယူခဲ့ပါတယ်။ Bryan Mbeumo ဟာ ပုံစံကောင်းနေပေမယ့် Benjamin Sesko ကတော့ အသားကျဖို့ ခက်ခဲနေတယ်လို့ ထင်ရတယ်။ Tottenham Hotspur ပွဲမှာ ဒူးဒဏ်ရာရခဲ့ပြီး သူရဲ့ကစားဟန်ဟာလည်း Mbeumo နဲ့ Matheus Cunha တို့ရဲ့အဆင့်ကို မမီသေးဘူးလို့ ယူဆရမှာပဲဖြစ်ပါတယ်။
၇။ West Ham United နဲ့ အတွေ့အကြုံရင့် ကစားသမားများ
Tomas Soucek နဲ့ Jarrod Bowen တို့ဟာ West Ham United အတွက် ပွဲ ၂၅၀ မြောက် ကစားခဲ့ကြပါတယ်။ Burnley နဲ့ပွဲမှာ Soucek ဟာ လူစားဝင်ကစားသမားအဖြစ်ပါဝင်ခဲ့ပြီး အသင်းကိုအနိုင်ရအောင် ကူညီပေးနိုင်ခဲ့ပါတယ်။ ဒီကစားသမားကြီးတွေရဲ့ အတွေ့အကြုံနဲ့ စွန့်စားမှုတွေဟာ အသင်းအတွက် အလွန်အရေးကြီးနေဆဲပါ။
၈။ Sunderland ရဲ့ ချစ်ကြည်ရေးပွဲ
Sunderland ဟာ ပရီးမီးယားလိဂ်ကို ပြန်တက်လာပြီးနောက် ပွဲစဉ် ၁၁ ပွဲကနေ ၁၉ မှတ်ရရှိထားပါတယ်။ Arsenal ကို ၂-၂ နဲ့ သရေကျခဲ့တဲ့ပွဲကတော့ သူတို့ရဲ့ ဇွဲလုံ့လကို ပြသနိုင်ခဲ့တဲ့ပွဲဖြစ်ပြီး ဒါဟာ Hull City အသင်းပြီးရင် အကောင်းဆုံးစတင်မှုဖြစ်ပါတယ်။ သူတို့ဟာ Premier League နဲ့ Championship ကြားက ကွာဟမှုကို ကျော်လွှားနိုင်စေမယ်လို့ မျှော်လင့်ရပါတယ်။
၉။ Chelsea နဲ့ Enzo Fernández
Enzo Fernández ကတော့ ကလပ်ကမ္ဘာ့ဖလား ပြိုင်ပွဲရဲ့ နောက်ဆက်တွဲ သက်ရောက်မှုတွေကို ခံစားနေရသူဖြစ်ပါတယ်။ Chelsea ရဲ့ ကွင်းလယ်ကစားသမားဟာ ဒူးနာကျင်မှုကို ခံစားနေရပြီး နိုင်ငံတကာပွဲတွေမှာ ဝင်မကန်ဖို့ ဆုံးဖြတ်ထားပါတယ်။
၁၀။ Everton က အင်္ဂန်လူမျိုး ကစားသမားနှစ်ဦး
David Moyes က James Garner ရဲ့ England အသင်းမှာ ပါဝင်နိုင်တဲ့ အလားအလာကို ချီးကျူးပြောဆိုခဲ့ပါတယ်။ သူ့ကို ညာတောင်ပံအဖြစ် ပြောင်းလဲကစားခိုင်းထားပြီး ကောင်းမွန်စွာ ကစားပြနိုင်ခဲ့ပါတယ်။ ဒါပေမယ့် အခြား အင်္ဂလန်လူမျိုး Kiernan Dewsbury-Hall ကတော့ ပိုပြီးထူးချွန်တဲ့ ကစားဟန်ကို ပြသနိုင်ခဲ့တာကြောင့် ရွေးချယ်ရခက်နေမှာပါ။ အသက် ၂၇ နှစ်ရှိပြီဖြစ်တဲ့ ဒီကစားသမားဟာ အိုင်ယာလန်အသင်းကနေ England အသင်းကို ပြောင်းရွေ့ကစားဖို့ ဆုံးဖြတ်ခဲ့သူဖြစ်ပါတယ်။
ဒါကတော့ ဒီရက်သတ္တပတ်အတွင်း ပရီးမီးယားလိဂ်မှာ ဖြစ်ပျက်ခဲ့တဲ့ အဓိကအခြေအနေတွေပဲဖြစ်ပါတယ်။