အရှိန်ပျက်? ဘာအရှိန်ပျက်? Arne Slot ရဲ့ လက်အောက်အတွင်း အဆိုးရွားဆုံးအခြေနေကြားက Liverpoolဟာ ဂျာမနီမှာ Eintracht Frankfurt ကို ၅-၁ ဖြင့် ပြတ်ပြတ်သားသား အနိုင်ရယူနိုင်ခဲ့ပြီ။၄ပွဲဆက်တိုက်ရှုံးနိမ့်မှု ရပ်တန့်သွားခဲ့ပါပြီ။
Frankfurt ဟာ Premier League ချန်ပီယံကို အံ့အားသင့်စရာဦးဆောင်ဂိုးအရင်ခဲ့တယ်။ Rasmus Kristensen ဟာ အကောင်းဆုံးအဆုံးသတ်နိုင်ခဲ့တာပါ။ ဒါပေမယ့် Liverpool ဟာ Andy Robertson ရဲ့အကောင်းဆုံးပေးပို့မှုကြောင့် Hugo Ekitike ဟာ သူ့အသင်းဟောင်းကို ဂိုးသွင်းနိုင်ခဲ့တယ်။ နောက်တန်း ကစားသမားတွေဖြစ်တဲ့ Vandijk, Konateတို့လဲ သွင်းဂိုးအသီးသီးရရှိခဲ့တယ်။ အသင်းရဲ့ အကောင်းဆုံး ကစားသမားဖြစ်ခဲ့တဲ့ Szobo ကလဲ ဂိုးဖန်တီးမှုရော၊ သွင်းဂိုးပါ ရရှိခဲ့တာဖြစ်ပါတယ်။ Gakpo လဲ ၂ပွဲဆက် ဂိုးသွင်းနိုင်ခဲ့တာပါ။
Slot ရဲ့ ရဲရင့်တဲ့ တိုက်စစ်
Liverpool ဟာ Alexander Isak နဲ့ Hugo Ekitike တို့ကို တွဲဖက်ပြီး ၄-၄-၂ စနစ်ကို စတင်အသုံးပြုကြည့်ချင်ပုံရတယ်။ ဘောလုံးမရှိချိန်မှာ ဒီဖြန့်ကျက်မှုပုံစံအတိုင်း ဆက်လက်ကစားနေတယ်လို့ ထင်ရပေမယ့်၊ ဘောလုံးရှိချိန်မှာတော့ Liverpool ဟာ နောက်ခံသုံးဦးစနစ်ကို ပြန်လည်အသုံးပြုကာ သူတို့ရဲ့ တိုက်စစ်တွေ ပိုမိုပါဝင်နိုင်အောင် စီစဉ်ထားခဲ့တာပါ။
ဒတ်ချ်နည်းပြရဲ့ ဒီတစ်ခေါက်သူရဲ့လူစာရင်းရွေးချယ်မှုဟာ ရဲရင့်တယ် – Cody Gakpo နဲ့ Florian Wirtz တို့ကို shadows ကစားစေပြီး Dominik Szoboszlai ကိုလည်း ကွင်းလယ်မှာဖန်တီးမှုစွမ်းရည်မြင့်အောင် ထပ်မံပေါင်းထည့်ခဲ့ပါတယ်။Jeremie Frimpong ရဲ့ အရှိန်နှုန်းကို ထည့်သွင်းကြည့်လိုက်ရင်၊ Liverpool ဟာ ဂျာမနီမှာ အနိုင်ရယူနိုင်ဖို့ လုံလောက်တဲ့ တိုက်စစ်စွမ်းရည်တွေ ပိုင်ဆိုင်ခဲ့တာပါ။
Ekitike ရဲ့ အသင်းဟောင်းကို ဂိုးသွင်းယူနိုင်ခြင်း
ဒီနွေရာသီမှာ ပေါင် ၇၉ သန်းနဲ့ Anfield သို့ ပြောင်းရွှေ့လာပြီးနောက် Deutsche Bank Park သို့ ပြန်လည်ရောက်ရှိလာတဲ့ ပြင်သစ်လူငယ်ကစားသမား အပေါ်မှာ မျက်လုံးအားလုံးကျနေခဲ့ကြတယ်။ သူရဲ့ အသင်းဟောင်းကို ၁-၁ ဖြစ်စေနိုင်မယ့်အခြေအနေကို အဆုံးသတ်ပေးနိုင်ခဲ့ပါတယ်။ ဂိုးသွင်းပြီးနောက် Frankfurt အတွက် လေးစားမှုအဖြစ် အောင်ပွဲမခံခဲ့ဘူး။ Ekitike ဟာ သူ့ရဲ့ပထမဆုံးဂိုးနဲ့ အဓိကဥရောပပြိုင်ပွဲတွင် Frankfurt အတွက်ရော Frankfurt ကိုရော ဂိုးသွင်းနိုင်ခဲ့တဲ့ ပထမဆုံးကစားသမားဖြစ်လာခဲ့ပါတယ်။
Wirtz ရဲ့ အလားလားကောင်း
Liverpool ရဲ့ ပေါင် ၁၁၆.၅ သန်းတန်ကစားသမား Florian Wirtz အတွက်တော့ ခက်ခဲတဲ့ရာသီဖြစ်ခဲ့ပါတယ်။ ဂျာမန်လက်ရွေးစင်ဟာ ဒီရာသီအတွင်း ပြိုင်ဘက်ပရိသတ်တွေရဲ့ လှောင်ပြောင်မှုကို ခံခဲ့ရပေမယ့် Frankfurt ကိုယှဉ်ပြိုင်ရာမှာ လေးမိနစ်အတွင်း Liverpool အတွက် သူ့ရဲ့ပထမဆုံး ဂိုးဖန်တီးမှုနှစ်ခုကို ရရှိခဲ့ပါတယ်။
သူဟာ စုစုပေါင်းအခွင့်အရေး လေးကြိမ်ကို ဖန်တီးနိုင်ခဲ့ပြီး နောက်ဆုံးဒုတိယပိုင်း ပေးပို့မှု ၂၄ ကြိမ်
အနက် ၁၉ ကြိမ်အောင်မြင်ခဲ့တယ်။ ဒါဟာ ကမ္ဘာ့အဆင့်မီ ခြေစွမ်းတော့ မဟုတ်ပါဘူး။ ဒါပေမယ့် ဒါဟာ အသက် ၂၂ နှစ်အရွယ်ကစားသမားအတွက် ဒီကနေစပြီး ရှေ့ဆက်နိုင်ဖို့ လိုအပ်တဲ့ အားပေးမှုအားလုံးကို ပေးစွမ်းနိုင်မှာပါ။
Liverpool ရဲ့ပွဲအစပိုင်းခက်ခဲမှုကို ကျော်လွန်နိုင်ခဲ့ပုံ
ဒီရာသီ Liverpool ရဲ့ ခံစစ် အားနည်းနေမှုဟာ ၄ပွဲဆက်တိုက်ရှုံးနိမ့်မှုများအပြီး ချို့ယွင်းနေခဲ့တယ်ဆိုတာ ထုတ်ဖော်ပြောစရာမလိုတော့သည့် အချက်တစ်ခုဖြစ်နေပါပြီ။ ပထမ ပိုင်း၂၆ မိနစ်အတွင်း ၁-၀ ဖြင့် ဦးဆောင်ခံရချိန်မှာ ဒဏ်ရာရသတ္တဝါတစ်ကောင်လို ဖြစ်နေခဲ့တယ်။ Liverpool ဟာ ပြိုင်ပွဲအားလုံးမှာ နောက်ဆုံးကစားပွဲ ၁၈ ပွဲအနက် Clean sheet နှစ်ပွဲသာ ရရှိခဲ့ကြောင်း မှတ်တမ်းတင်ခဲ့ရတယ်။ ဂိုး၂၈ ဂိုးအထိ ပေးလိုက်ရသည်ဟာ ဒီရာသီဆက်လက်ရင်ဆိုင်နေရသော ပြသာနာတစ်ခုဖြစ်တယ်ဆိုတာ ညွှန်ပြနေတယ်။
ဒီညမှာ Liverpool ဟာ ရှုံးနိမ့်မှုသံသရာကို ရပ်တန့်
ပစ်နိုင်ခဲ့ပြီး အရာအာလုံးအကောင်းဆုံးဖြစ်လာဖို့မျှော်လင့်ရပါတယ်။