၂၀၂၆ ကမ္ဘာ့ဖလား အတွက် ရေတွက်ချိန်တွေစတင်နေပါပြီ။ အမေရိကန်၊ ကနေဒါနဲ့ မက္ကဆီကိုမှာလည်း အကြီးကျယ်ပြင်ဆင်နေကြပြီ။ နိုင်ငံပေါင်း ၄၈ နိုင်ငံ စုဝေးမယ့် ဘောလုံးရဲ့ အခမ်းနားဆုံ ကမ္ဘာ့ဖလားအတွက်ပေါ့။
ဒီလိုအချိန်မှာ လူအားလုံးစိတ်ဝင်စားနေတဲ့ မေးခွန်းတစ်ခုရှိပါတယ်။ ဖေဖော်ဝါရီမှာ အသက် ၄၁ နှစ်
ပြည့်တော့မယ့် Cristiano Ronaldo ဟာ ကစားသမားဘဝသက်တမ်းတစ်လျှောက် ၆မြောက် ကမ္ဘာ့ဖလားကို ကစားဦးမှာလားဆိုတာပါ။
ဒီမေးခွန်းရဲ့ အဖြေကို သိချင်ရင်…ကိန်းဂဏန်းတွေကို ကြည့်ရမယ်… ဇာတ်လမ်းကို ကြည့်ရမယ်… လူကိုယ်တိုင်ကိုလည်း ကြည့်ရမယ်…
Ronaldo ဆိုတဲ့နာမည်ဟာ နှစ်ပေါင်း ၂၀ ကျော်ကြာ ပေါ်တူဂီနဲ့ ခွဲမရအောင်ဖြစ်နေခဲ့တာပါ။ ကစားသမားတစ်ယောက်အတွက် စံချိန်မှတ်တမ်းတွေကို ချိုးဖျက်ရင်း ဂိုးပေါင်း ၁၄၁ ဂိုး… ၂၂၃ ပွဲ…ဟက်ထရစ် ၁၀ ကြိမ်… free kick ၁၁ ကြိမ်… ခေါင်းတိုက်သွင်းဂိုး ၂၈ ကြိမ်.။ ကြောက်စရာလန့်စရာ ကိန်းဂဏန်းတွေ။စပိန်ကို Free kick ဂိုးသွင်းခဲ့တဲ့အချိန်ကစလို့ Euro 2016 ဖလားကိုင်ချိန် မျက်ရည်တွေကျခဲ့တဲ့အချိန်အထိ ဒီခရီးဟာ ဂန္တဝင်ဆန်နေတုန်း။
ဒါပေမယ့် တစ်ခုတည်းသောဆု… ကမ္ဘာ့ဖလားကတော့ အခုထိ သူ့လက်ထဲ မရောက်သေးဘူး။ ပါဝင်ခွင့်ရခဲ့တဲ့ ကမ္ဘာ့ဖလား ငါးကြိမ် မှာ ဂိုးသွင်းနိုင်ခဲ့တဲ့ တစ်ဦးတည်းသောကစားသမားဆိုလဲသူပဲ။ ပေါ်တူဂီအတွက်၂၀၀၆ ခုနှစ်က ဆီမီးဖိုင်နယ်ရောက်ခဲ့တာ အကောင်းဆုံးအဆင့်ပဲ။ ကာတာမှာတုန်းက မော်ရိုကိုကိုရှုံးခဲ့တဲ့အချိန်. ရိုနယ်ဒိုခေတ်တစ်ခု ကုန်ဆုံးသွားသလို ခံစားခဲ့ရတယ်…
ဒါပေမယ့်… ၂၀၂၅ ခုနှစ်မှာ…
ပေါ်တူဂီအသင်း ကမ္ဘာ့ဖလားခြေစစ်ပွဲမှာ ဆက်တိုက်အနိုင်ရနေတယ်။ အာမေးနီးယားကို ၅-၀ ဂိုးပြတ်နိုင်ခဲ့တယ်။ ဟန်ဂေရီမှာ ၃-၂ နဲ့ Dramaတစ်ပုဒ်လို နိုင်ခဲ့တယ်။ Ronaldo က ဗဟိုချက်အဖြစ် ရပ်တည်နေဆဲ။ ကမ္ဘာ့ဖလားခြေစစ်ပွဲမှာ ၃၉ ဂိုးအထိ သွင်းနိုင်ခဲ့ပြီ။
လက်ရှိသူ့ပုံစံကော?
Euro 2024 မှာ တိတ်ဆိတ်နေခဲ့ပေမယ့် ၂၀၂၅ ခုနှစ်မှာ ပြန်လည်ရှင်သန်လာတယ်။ ပေါ်တူဂီအတွက် ခြောက်ပွဲမှာ ခြောက်ဂိုး သွင်းထားတယ်။ Al-Nassr နဲ့ဆို ဆော်ဒီကရွှေဘောလုံးဆုတောင်ရခဲ့တယ်။အသက် ၄၀ ကျော်နေပြီဖြစ်ပေမယ့် သူကတော့ ဆက်ပြီး ဂိုးတွေသွင်းနေဆဲပါ။
Canal 11 ကို ပြောခဲ့တဲ့စကား…
“ဘောလုံးအပေါ် ကျွန်တော်စိတ်အားထက်သန်မှုတွေ ရှိနေဆဲပါ။ မိသားစုက ရပ်ဖို့ပြောတယ်… ဒါပေမယ့် ကျွန်တော်ကတော့ မရပ်သေးဘူး…
ဘာလို့ အခုရပ်ရမှာလဲ…
နောက်ထပ်နှစ်အနည်းငယ်ပဲကျန်တယ်ဆိုတာ သိတယ်…
ဒါပေမယ့် ကျန်ရှိနေတဲ့အချိန်လေးတွေကို ခံစားချင်တယ်…”
ဒီစကားဟာ… အရာအားလုံးကို ပြောပြနေပါပြီ။
ဒီတော့… ၂၀၂၆ ကမ္ဘာ့ဖလားမှာ သူကစားမှာလား?
ဒဏ်ရာမရဘူးဆိုရင်၊ စိတ်မပြောင်းဘူးဆိုရင်၊
အဖြေက ရှင်းနေပါပြီ။ ဟုတ်ကဲ့… ကစားမှာပါ…
ပွဲထွက်ကစားသမားအဖြစ်ဖြစ်ဖြစ်. အရန်ခုံကနေဖြစ်ဖြစ် သူဝင်လာမှာပါ။ သူမရသေးတဲ့ ဆုတံဆိပ်အတွက် နောက်ဆုံးအခွင့်အရေးကို လိုချင်နေမှာပါ။
ဘောလုံးမှာ မဖြစ်နိုင်ဖူးဆိုတာမရှိဘူး။ ဒီတစ်ကြိမ်မှာတော့… ဘောလုံးနတ်သမီးတွေက.သူအမြဲအိပ်မက်မက်ခဲ့တဲ့ အဆုံးသတ်ကို ရေးသားပေးကြလိမ့်မလားဆိုတာ စောင့်ကြည့်ရမယ်။မျှော်လင့်ချက်တွေကို ပြန်ရေးနိုင်တာ…
မဖြစ်နိုင်တာကို ဖြစ်အောင်လုပ်နိုင်တာ…
ဒါတွေအားလုံးကို လုပ်နိုင်တဲ့သူဆိုလို့…
Cristiano Ronaldo ပဲရှိလို့ပါ…
ကြီးမြတ်ခမ်းနာမှုကို ဆက်လက်လိုက်စားနေဆဲ
ဒဏ္ဍာရီ။ ဆက်ရေးသားနေဆဲ ဇာတ်လမ်း တစ်ပုဒ်
ကမ္ဘာကြီးက စောင့်ကြည့်နေဆဲ…
Ronaldo ရဲ့ နောက်ဆုံးအခန်းဟာ…
သူ့အတွက် ရသင့်ရထိုက်တဲ့ မှော်ဝင်ပုံပြင် ဖြစ်လာမလား…