၁. Rob Edwards ရဲ့ မဖြစ်နိုင်တဲ့မစ်ရှင်
Wolves ဟာ ပရီးမီးယားလိဂ်နိုင်ပွဲ တစ်ပွဲမှ မရသေးပါဘူး။ နောက်ဆုံး ၅ ပွဲမှာ ၁၅ ဂိုး ပေးရထား
တယ်။ တစ်ချိန်က ပေါ်တူဂီအစုဖွဲ့နဲ့ ပရီးမီးယားလိဂ်ထိပ်တန်းကလပ်တွေကို ဒုက္ခပေးနိုင်ခဲ့တဲ့အသင်းပါ။ ဧပြီလနောက်ပိုင်း clean sheet လုံးဝမရှိဘူး။ နည်းပြသစ် Rob Edwards အတွက် ဒီစမ်းသပ်မှုဟာ အတော်လေးကြီးမားတယ်။ ဒီအပတ်တွေ့မယ့် Crystal Palace ကလဲ နယ်နယ်ရရမဟုတ်တာဖြစ်တာကြောင့် Wolveတို့နိုင်ပွဲဆက်ပျောက်ဦးမှာပါ။
Wolves v Crystal Palace၊ စနေ ၃ နာရီ
၂. Newcastle က Yoan Wissa ကို အရမ်းလိုအပ်နေပြီလား
ယူရို55 သန်းနဲ့ အပြောင်းရွှေ့နောက်ဆုံးရက်မှာ ခေါ်လာတဲ့ Yoan Wissa ဟာ ဒဏ်ရာကြောင့် တစ်ပွဲမှ မကစားရသေးပါဘူး။ Newcastle ဟာ အဆင့်၁၄ နေရာမှာ ရှိနေပြီး ဒီအပတ်မှာလဲManchester City ကို အိမ်ကွင်းမှာ ဧည့်ခံရမှာလဲဖြစ်ပါတယ်။ Nick Woltemadeလို No.10 ကစားသမားကို No.9 နေရာမှာ ထားနေရတယ်။ နည်းပြ Edwards ရဲ့ တိုက်စစ်ကစားဟန်ကလဲ Wissaရှိမှ ပုံပေါ်လာမယ့်ပုံဆိုတော့ နယူးကာဆယ်ဟာ Wissaကိုတကယ်လ်ိုအပ်နေပါပြီ။
Newcastle v Manchester City၊ စနေ ၅:၃၀ ညနေ
၃. Daniel Farke အပေါ် က ဖိအားတွေ
Leeds ဟာ အဆင့်၁၆ နေရာမှာ ရှိပြီး တစ်မှတ်အကွာနဲ့ တန်ဆင်းဇုန်ပြင်ပမှာပါ။ ဒါဟာ စိတ်ချရတဲ့ ကိန်းဂဏန်းမဟုတ်ပါဘူး။ နောက်ဆုံး ၅ ပွဲမှာ ၄ ပွဲရှုံးထားတယ်။ ဒီဇင်ဘာမှာ Chelsea၊ Liverpool နဲ့ Manchester City ကို ရင်ဆိုင်ရမယ်။ တနင်္ဂနွေနေ့မှာ Aston Villa ကို အိမ်ကွင်းမှာ ရှုံးရင် Daniel Farke ခုံဟာ လှုပ်လာတော့မှာပါ။
Leeds v Aston Villa၊ တနင်္ဂနွေ ၂ နာရီ
၄. ဒဏ်ရာတွေနဲ့ မြောက်လန်ဒန်ဒါဘီ
ဒီရာသီရဲ့ မြောက်လန်ဒန်ဒါဘီပါ။ Arsenal မှာ Gabriel Magalhães ဒဏ်ရာရထားပြီး Viktor Gyökeres နဲ့ Martin Ødegaard ကစားနိုင်ပါ့မလားဆိုတာမသေချာသေးပါဘူး။ Tottenham နည်းပြ Thomas Frank ကတော့ အခြေနေပိုဆိုးတယ်။ အမာခံကစားသမား ၁၀ ယောက်တိတိ ဒဏ်ရာရထားတာပါ။ Spurs ကဒီနှစ်ရာသီ အဝေးကွင်းကစားအားတော်တော်ကောင်းနေပြီး ရှုံးပွဲမရှိသေးပါဘူး။ အာဆင်နယ်ကလဲ အိမ်ကွင်းမရှုံးသေးတဲ့အသင်း။ အဲ့နေညမှာတော့ တစ်သင်းသင်းကတော့ ကျိုးပဲ့ပေးရမှာပါ။ သရေကျသွားရင်တော့ ပျင်းစရာကြီးမို့လား?
Arsenal v Tottenham၊ တနင်္ဂနွေ ၄:၃၀ ညနေ
၅. Amad Diallo – Manchester United ရဲ့ Sparks
Ruben Amorim လက်ထက် ၅ ပွဲဆက် မရှုံးသေးတဲ့ မန်ချက်စတာယူနိုက်တက် အစီစဉ်မှာ အဓိကဇာတ်လိုက်က Amad Dialloဖြစ်နေတာပါ။ Nottingham Forest နဲ့ Tottenham နှစ်ပွဲစလုံးမှာ သူ့ရဲ့ အဝေးကန်ချက်၊ အမြင့်ဘောပေးပို့မှု တွေက ရလဒ်ကိုထုတ်ပေးခဲ့တယ်။ လာမယ့် လ Africa Cup of Nations မတိုင်ခင် Amad နဲ့ Bryan Mbeumo ကို Amorim ကောင်းကောင်းညှစ်ထုတ်နိုင်မှဖြစ်မယ်။ Everton ကို အိမ်ကွင်းမှာ ဧည့်ခံရမယ့်ပွဲက ၆ပွဲဆက်ရှုံးပွဲမရှိလားဆိုတာ စိတ်ဝင်စားစရာပါ။
ပွဲစဉ် ၁၀ ခုထဲက စိတ်ဝင်စားစရာဇာတ်လမ်း ၅ခုက်ို တင်ဆက်ပေးလိုက်တာပဲဖြစိပါတယ်။ သေချာတာတစ်ခုကတော့ ပရီးမီးယားလိဂ်ဟာ ဘောလုံးပရိသတ်တွေကို ဘယ်တောမှ စိတ်မပျက်စေခဲ့ပါဘူး။